ဆရာတင်မိုး အမှတ်တယ ကဗျာ သုံး

ခွပ်ဒေါင်းသို့ ပန်ကြားချက်



(၁)
မင်းသားကြီး မလုပ်ရရင်
ပတ်မကြီး ထိုးဖောက်မယ်ဆိုတဲ့
ညစ်ကျယ်ကျယ် လူစားတွေ
တို့ ပြည်မှာ အများသားကလား
ဟိုနားမှာတွေ့  သည်နားမှာတွေ့ 
ဟိုကွေ့ မှာ ကြုံ သည်ကွေ့ မှာ ကြုံ
တပုံတပင်ကြိးပါကလား
ခေါင်းဆောင်က တရာ နှစ်ရာ
ငယ်သားက တယောက်နှစ်ယောက်
မျက်စိနောက်စရာပါလားနော် ------။

(၂)
ကိုယ်ကသာ ဘာမှမဟုတ်
လူတွင်ကျယ်လုပ်ချင်တယ်
ပုတ်လိုက်တဲ့ စိတ်ဓါတ်
စုတ်ပြတ်လိုက်ပါဘိ ။
ပါးစပ်နဲ့ အလုပ်လုပ်
ခွတုတ်တဲ့ လူမျိုး
လက်ညိုးတချောင်းနဲ့ လူရာဝင်
သူသာလျှင် အရေးပါသတဲ့
ပညာကလည်း မရှိ
အသိအမြင်ကလည်း ကျဉ်းမြောင်း
စိတ်ကောင်းကလည်းမမွေး
ကလေးစိတ် မိန်းမစိတ်
အတိတ်လည်း မဝေဖန်
ပစ္စုပန်လည်း မသုံးသပ်
အနာဂတ်လည်း မတွေးရှု
အရေးတခုရယ်လို့ သဘောမထား
တောသားအချင်းချင်း
ကျောပြားကို နင်းချင်တယ်
ရိုင်းပင်းမယ်လို့ တော့စိတ်မကူး
လက်ဦးအောင်ဖျာခင်း
အာဏာပြင်းလှချည့်
ရာဇာမင်းဂုဏ်နဲ့ မတန်
နုံနဲ့ ဟန်ပေါက်လိုက်ပုံက
သဘောက်မသား
လူရမ်းကားတွေ ပါလားဟေ့ ။

(၃)
သမိုင်းစာမျက်နှာကို
အိမ်သာသုံးစက္ကူသဖွယ်
အသုံးပြုခဲ့ကြတယ်
လိုရာကိုဆွဲသုံး
အမဲတုံးကို ခွေးဆွဲသလိုပေါ့လေ
ရေလဲနဲ့ သုံးခဲ့တယ် ၊
ဗလောင်းပလဲ စကား
အပြောင်းအလဲက များသနဲ့ 
ချောင်းထည်းကငါး အကူးမြန်သလို
မမှန်မကန်တွေကို
မြန်မြန်ဆန်ဆန်ပြောကြတယ်
ကြားသူတိုင်း ရှုပ်ထွေးပြီး
အလိုလေး တ ရအောင်
ပါးစပ်က ကျည်ဆံထွက်
ထွီထွမ်ခွက် ပက်လက်မျောရော
စကားနာ စကားလိမ်
စကားသိမ် စကားဖျင်း
စကားတင်း စကားယုတ်
စကားပုတ် စကားလှည့်
စကားရွဲ့ စကားစောင်း
အကြောင်းအမျိုးမျိုးပြပြီး
မတိမကျ ပြောခဲ့ကြတယ်
ပြောသူမရှက်
ကြားသူ ရှက်ရပါတကား ။

(၄)
ဒီမိုး ဒီမြေ ဒီလူတွေနဲ့ 
ဒီအခြေစခန်းသွားရင်
လမ်းမှားတွေရောက်
ဂျောက်ပေါက်တွေ တိုးမှာသေချာတယ် ။
တန်ရာ တန်ရာ မလုပ်ရင်
ရွာနာတယ်ဆိုတဲ့ ဆောင်ပုဒ် အရှိသား
အဟုတ်ကိုဘဲ ရွာနာခဲ့ပြီ ။
မြန်မာပြည် သည်ပုံမျိုးနဲ့ ဆိုရင်
အမျိုးပျောက်ရလိမ့်မယ်
သူခိုးက လူသူဟစ်
မချစ်သူက မေတ္တာ စကားဆိုတော့
ဘယ်လိုမှ မကောင်းနိုင်
ခွပ်ဒေါင်းရေ----- ကယ်ပါဦးလို့ 
ပြည်လုံးကျွတ် အော်ချင်လှပြီ
မကောင်းအညစ်တွေကို
ပြောင်းပြစ်မှ နေရာကျပြီး
ပြည်ရွာ လှလိမ့်မယ် ။

(၅)
အို ----- ခွပ်ဒေါင်း
လွတ်ကြောင်းအတွက်
ခွပ်လက်ပြင် ခွပ်လက်သွေးကာ
အရေးတော်ပုံ အောင်စေလော့
အရေးတော်ပုံ အောင်စေလော့
အရေးတော်ပုံ အောင်စေလော့-------။

တင်မိုး